أحمد .. مات

كمن ماتوا .. وذهبوا

رحل صديقي عن العالم .. ومازالت قصته تحكي ..

مازلنا على صداقتنا

لا تزال صور الجامعه ومعدية القناة والسكشن معنا

ما زلت هنا

رحلت و أنت مازلت هنا

***

لم أجد من الكلمات ما أكتبه هنا .. اختزلت الكلام مرات عديدة

لا أعتقد أنني سأقدر على الكتابه ..

ذهب الكلام عني .. ذهب معك يا صديقي

كم تألمت في مرضك الأخير

وكم تأخرت عنك

كم رفضت المساعده

وصممت أن تحارب المرض إلى النهاية

وحدك

***

– ياجدعان انا مش هخرج معاكوا .. مش هعرف أخرج وشعري بيقع كدا .. انا كل يوم بخلي ماما تلمه من عالمخدة

– يعنى هوا دا اللى مخليك مش عايز تخرج معانا

***

ذهب الذين تحبهم .. ذهبوا .. وسيذهبون .

كلهم يذهبون .. ولا يعودون

إلا أنت ياصديقي

أحمد .. أنت رسالة الشفاء إلى العالم

لم أري في حياتي من يقاوم هذا المرض الخبيث غيرك

كلهم يستسلمون

يخافون .. ثم يموتون ..

إلا أنت

قاومته حتى النهاية

كنت مصرا أن تحيا أنت

ولكن يبدو أن لقدرك  .. قدر آخر

***

– النهاردة هتخرج معانا يعنى هتخرج معانا … ملكش حجة .. شعرك بيقع واحنا كمان كلنا شعرنا بيقع

– انتوا ايه اللى عملتوه يامجانين .. حلقتوا شعركوا ليه ؟

– ياعم انت مش كنت بتتلكك بشعرك اللى بيقع احنا كمان شعرنا بيقع فحلقناه زيروو عشان نبقى زى بعض

***

رساله من أحمد إلى زمايلنا ف سكشن 6-أ – الفرقة الأولي – كليه التجارة – بورسعيد

#إبراهيم – #إسراء – #علاء – #إيهاب – ميادة# – أحمد#

” ” “

يا سكشنا

مريض والله يا إخوانا

ودعواتكم سبيل رحمه

ومش طايل أشوفكم

ولا طايل أبص عليكم 

ولا قادر

صبرت كتير على المكتوب

ومكتوب إني أفارقكم

ومش قادر

أكيد راح يوم هنتقابل

ف مش عارف

أجيلكم .. ولا انتوا جايينلي

سلام يا رفاقة

وأمانه .. متنسوني

أنا هسبق وأفارقكم

على معادكم أكيد لازم

هنتقابل

هنتقابل أكيد لازم

يا سكشنا

مع الرحمن .. وفي الجنه … 🙂 😦

***

أحمد عبد الغفار   26-8-1988 :  7-8-2013

**********

 

إيهاب محمد

8-8-2013