فين المناديل ؟

جاء إلى الغرفه مسرعا .. يبحث عنها ..
– سألنى بلهفه : هيا فين يابنى ؟
فأشرت له بإصبعي على الكومودينو الصغير .. فالتقط علبه المنااديل في سرعه وأخرج منها منديلا ومسح به عرقه وهو يتمشي إلى داخل الغرفه .. ووقف خلف مقعدي ينظر إلى شاشه اللاب توب ويتفحص في القلم والأوراق على جانبها ..
رفعت رأسي إليه .. وقلت له : أأمر ياحاج ؟ فى حاجة !
كان رده سريعا كأنه كان يتوقع السؤال .: لا مفيش حاجة دانا بطمن عليك بس يابني .
سألته : هاا واطمنت ؟!
قال : اه خلاص .
قلت له : طب ايه ؟!
رد : مانا اطمنت عليك بقى فقلت أرخم عليك شوية .
استفزتني إجابته وأنا اعتصر كوب الشاي المنعنع في يدي .. فألقيت ما تبقى به في فمي كله دفعه واحدة .. ورفعت الكوب إليه وقلت له ضاحكا : طب اتفضل بقى .
أخذ الكوب مني وهو يضحك .. وقالي نعم !!
أشرت له بعيني على الباب المفتوح والصاله التى تظهر من خلفه ..
وقلت : شايف السفره دى .. حط عليها الكوبايه
قالى : ماشاء الله عالتربيه والأخلاق .. بتقول لـ أبوك يشيلك كوبايتك ويحطها عالسفرة دانا عمري ما رفعت عيني في عين أبويا ..
استدركت سريعا وبصوت عالي : الـــــــــــــــــــلــــــــــه يرحمه ..
أكمل كأنه لم يسمعنى : دا انتا متربي تربيه كويسه اوى .
رديت بسرعه .: ما هي تربيتك ياحاج
قال : آه صحيح تربيه ناقصه .
قلت له : متقولش على نفسك كدا ياحاج .. دانتا جميل
ضحك .. قالى أعمل ايه لازم أسايرك . المثل بيقولك ” لو كبر ابنك خاويه ” ..
قلت له : ما انتا خاوتني اهو والله ومش اعمل حاجة منك
قال : لا .. لسه الخوته جايه .. انت لسه شفت حاجة
حبيبي أااحاااج ..
 
 
 
أنا و بابا صاحيين نألش على بعض عالصبحImage

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s