أمــــــــنـــــــــيــــــــة

عارفه .. أول مرة أحس بحد
كانت إنتي
كل ما فيكي ..
سحر عنيكي ..
هيا النظرة اللى بتبعتني على المشاوير
وتصحيني في عز الليل وتفكرني برمش عنيكي
عارفه
جايز هيا الضحكة
اللى جابتيني ..
واللى خدتني
واللى شفايفك بيها بترسم ضحكة عمري
أو بتلون بيها الدنيا
تبقي في بالي ومش وياكي
خايف أعود نفسي عليكي
مش بالساهل برضة عليا
فجأة ألاقي الدنيا في ثانية
حلوة ورايقة
مش عوايدها
عارفه
جايز هيا عنيكي
اللى رمت على قلبي سهامك
كان كيوبيد واقف مستني
يوم ما لمحتك واقفه هناك
يوم ما لمحت عنيكي بتضحك
هوا قتلني
ببقى معاكي ونفسي أتكلم
بس بخاف لما آجي أتكلم .. بمشي وأسلم
عارفه
نفسي أقولك عاللى في قلبي
واللى انا حاسه بجد معاكي
آخر مرة انا شفتك فيها
كانت ذكري جميلة عليا
كانت يوم ما عرفت الحب ..لما عرفتك
بس ياريت بالراحة عليا
أصل انا اول مرة أحب بجد
ومش بإيديا
مش بكلام علشان أغنية
أصل انا حبك ليا بجد دا كان أمنية
هفضل أقولها في سري بحبك مليون مرة
كل ما أشوفك نفسي أقولها وأزعق وأصرخ بيها
أني بحبك
بس الصوت جوايا اتكسر مليون جرة
بس انا هفضل ليكي أنا عاشق
بس في سري
لما بغني بجيب في كلامي عن أحلامي
كل اماني الدنيا بحالها مش محتاجها
بس أنا نفسي بجد وليا
لو أمنية تكون في حياتي مش أمنية
بس أنا عاشق ليكي في سري
مفاتيح قصرك مش ويايا
نفسي أسرقهم وأجري وأطلع برجك وأرسم قلبك
بس كلامي اللى علشانك
واللى أنا كاتبه بحرقة قلبي
اللى مازال مستني النور
يبعتلى رسالة أو أغنية
أو مرسوم بقرار الحب
عن حورية
كل كلام الدنيا عليها
مكتوب فيا
لو مقدرتش أغني بحبك
يبقى عشانك
هقدر أغني وأغني لحد ما ييجي يقولي
قلبك ليا .. ضحكك ليا .. رمشك ليا ..
كل ما فيكي هيكون ليا
مش أنانية
أصل صراحة .. حبك ليا
ما زال … أمنية
مجرد أمنية …… ####

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s