غنوة بالألوان

توووت تووت
معدتش سكووت
معدتش كلام مدفون فى تابوت
معدتش سجون
مفيش قضبان تغطي كلام
مفيش سجّان
معدتش كلام هيعيش مكبووت

تووت تووت
معدش خيانه
معدتش عيون هتبات زعلانه
معدتش قلوب هتموت دبلانه
معدتش نفوس هتعيش تعبانه

معدتش حرامي ولص اناني
معدتش خسيس يهز كياني

بواقي الريش تفوف بقشيش
غنا المهاويش
كلام في مفيش

وخير الناس
حبيب ونّاس
وصحبه حق ليها اساس

ومركب ليل تعدي السيل
تفوت فى البحر لو غضبان ولا تهدي

وبدر الليل يقول مواويل
يجيب من بكرة لينا دليل
ولا يعدي على الدنيا
بما فيها
عيون نايمه وقلوب تايهه
يجيب الصبح يسرقنا بأصل كلام يجمعنا ولا يودي
على امبارح
ياطير جارح
ملوش تفاصيل
كلامه قليل وصوته عليل
ما يسمعشي كلام الليل إذا سبّح
ولا صلى فيوم ركعه في فجر آذان بيخشعها

ومهما اتقال عليه انه
كلامه يشبع العطشان إذا سمّع
ورا لالتماثيل بيتكلم ولا يجمع
قلوب تايهه من الفرقه
على الأغصان
في شجر التووت
ياقوت التووت
تسكر دنيتي المرة
توريني امل بكرة
بترسملي على الأغصان
بلون عصافير بيتهامسوا بصوت الشوق
بغنوة زقزقه وشروق

وهمس الشوق إذا اتكلم ما يسمعشي
كلام الليل عشاان يمشي وميرجعشي
يجيب الفجرمن بدري ويجريلها إذا شقشق
ينور ضلمه الحيران
يجيب الشمس من بكرة تغنيله
تكمله الكلام جايز
تجيب الشمس أحلامنا
وترسمها
وتكمل غنوة الإنسان ويكتبها
بلحن الشوق ويرسمها بصوت تعبان
ولما الشمس بتروح
يقوم يجري ويلحقها
يغنيلها الكلام ألحان
ويرسمها
وتطلع غنوة بالألوان

إيهابـ محمد

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s