مين فينا اللى عليه الدور ؟

فيثا غورث العالم مفهمش
إن الهندسة ليها أصول
فـ دواير تلاتيني ستيني
بيلف العالم ويدور
بنجمع حواديت اللّمة
وبنبني عاــ رمله قصور
وبييجي الموج ويحطمها
وبيكتب عالشط سطور
وبنمشي وبنفوت الذكرى
وبتنسى الدنيا وبتدور
وتعد الأيام خطاوينا
وبتكشف عنا المستور
بتعد علينا الأنفاس
والساقيه دايرتها تدور
ماشيين بنخبط فـ الدنيا
بنعافر ونعدى السور
فيـ الضلمة بتّووه خطاوينا
علشان بتدور عالنّور
في الدنيا البني آدم ماشي
مش عارف ايه المقدور ؟
هتحافظ عالذكرى هتبقى
هتفوْت هيعيد الدور
يازميلي ياصاحبي يارفيقي
مين فينا اللى عليه الدور ؟
مين فينا اللى عليه الدور ؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s