وسواس شيطان

ياملاك ياحارس يانايم .. خليك معايا شوية

مش كل مرة تشوفنى .. بتتكبر عليا

فوق واصحى بدري وفَوّق .. جايلي وساوس جلية

وسواس شيطاني سقاني .. طرش وادني وعماني

وسواس شيطاني اما جانى .. قدم وميل عليا

خلاني أشوف الزور كحق .. والنور كضلمة بهية

خلاني أجدف فى المهلكات .. خلاني شر البلية

شيطان وعياان  بالجنون .. والعند محفوظ في عقله

قالى الملاك النبيل

مجرتش ليه لما شفته ؟ … آآآه يابشر

آآآه يا بشر … ملكمش غير في الكلام

ماتخافش منه لأنه .. ضعيف

كلامه بيدبح لكنه خفيف

يودي في مصايب ويطلع برئ

تقوله انت مؤمن يقولك أكيد

تقوله و ليه الكلام الغريب ؟ … يقولك  لأنى موسوس

بناري وغروري .. وكفري وفجوري

بحب أما أوسوس ما أهملش دوري

بحب اللى صايع وعايش وضاييع

بحب الللى حاسب فنفسه انه فاهم

واحب اللى تايه واحب اللى ضايع

واحب اللى شايف وسامع وساكت

ياعم لخص .. و قصر معايا .. صرخت فكلامي

كلامك كتير ورغيك كتير

ملاكي النبيل

هسيبك تكمل كلامك لوحدك

صرخ فيا برضه وقالي

سايبني لمين ؟؟ تعالى اما أقولك

لكني مرحتش ..

لأنى مفقتش ونومي تقيل

وسابنى وراح

ورجعت أفكر واحاول أذكر فقلبي الصلاة .. واحاول أرجع لنفسي الحياة

بداية العبادة وطووق النجاة .. يامؤمن تعالى

نداءه فى ودني .. يسمع ينجي

لقتنى متوه ومحتاج أكلم شيطاني اللعين

لقيت فجأه صوته بيدوي في عقلي

ياراجل .. دماغك

صلاة فجر ايه ؟ وفي البرد دا

هتصحي وتبرد وتعيا كدا ما ممكن تصلي الصلاة لما تصحى

ظروفك كدا وحظك كدا

وفي البرد دا مفيش غير كدا

ياراجل دا ربك رؤوف رحيم

سمعت الكلام المبين  .. انتبهت

آدان فجر طالع وصادح مسمع وسامع .. وحجة قوية عليا

فيوم القيامة .. يقولي إلهي .. سمعت الآدان ؟

أخاف انى أجاوب ومعرفش أجاوب لأنى مجاوب بفعلى الآثيم وعارف إلهي العليم الحكيم

حاولت أنى أقوم من السرير اللى دافي

أدور على رجلي ألقاني حافي

يقولي شيطاني ياعم انت نايم

ياعم انت نايم

ومدفي رجلك وايدك وكتفك

تقوم من الجنة وتجري في دنيا عليها بن آدم في البرد عايم

لقيت فجأة فيا .. براحة قوية

وعزمٍ ما فيا .. صرخت فشيطاني

كبركان محاني .. وخلاني حانى على البطانية

ياوسواس لعين  … كلامك معين

يصبر فى وقته .. لكنه كمين

أنا لن أنسى كلمة ملاكي الامين

كلامه مسمع فودني طنين

بإنك شيطان ..

كفرت وفجرت … بــــــــآدم غدرت

وربي أمرني … إذا ما انتظرني

شيطان لعين .. بإنى أعوذ وأعوذ وأسبح بحمده وأكبر في وشك

وأقوم برضه أصلي

لأنه إلهي … شايفني وشاهدني وعارفني  ضعيف

إذا ما غفلت فربي ناظرني  وراحمنى بعطفه

ياوسواس لعين .. صديقك سجين

صلاتي نجاتي .. ومصباح حياتي

وفي الضلمة هيا اللى تسمع آهاتي

هتفضل تهاتي وتفضل تنادى هاقوم برضة أصلي وأقوله

آمـــــــــــــــــــــــــــــــــــــــــــــــــــــــــيـــــــــــــــــــــــــــــــــــــــــــــــــــــــــــــــن

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s